भारतात दरवर्षी ५ सप्टेंबर हा दिवस शिक्षक दिन म्हणून साजरा केला जातो. या दिवसाला विशेष महत्त्व मिळाले आहे कारण हा दिवस भारताचे माजी राष्ट्रपती, तत्वज्ञानी आणि आदर्श शिक्षक डॉ. सर्वपल्ली राधाकृष्णन यांचा जन्मदिवस आहे.
"आजचा काळात शिक्षकी पेशा प्रमाणिकपणे जपणे ही काळाची गरज बनली आहे जेणेकरून भारताला 2047 मध्ये जागतिक महासत्ता बनायचे असेल तर शिक्षक हा मूळ पाया आहे."
शिक्षक दिन का साजरा केला जातो?
डॉ.राधाकृष्णन यांनी आयुष्यभर ज्ञानप्रेम, प्रामाणिकपणा आणि शिक्षणाचे महत्त्व समाजाला पटवून दिले. त्यांना वाढदिवस साजरा करण्याऐवजी "जर माझा दिवस शिक्षक दिन म्हणून साजरा केला, तर मला अभिमान वाटेल" असे त्यांना वाटायचे आणि त्यापासून भारतात शिक्षक दिनाची परंपरा सुरू झाली.
---
शिक्षकांचे योगदान
शिक्षक फक्त शालेय धडे शिकवत नाहीत, तर जीवन कसे जगायचे हेही शिकवतात.
ते आपल्या आयुष्यात प्रेरणा, शिस्त आणि आत्मविश्वास निर्माण करतात.
बदलत्या काळानुसार नवे तंत्रज्ञान, नवे विचार विद्यार्थ्यांपर्यंत पोहोचवतात.
---
आजच्या काळात शिक्षकांची भूमिका
आजच्या डिजिटल युगात इंटरनेटवर माहिती सहज मिळते, पण खरी दिशा दाखवणारे गुरुच असतात. योग्य मार्गदर्शनाशिवाय माहिती उपयोगी ठरत नाही. म्हणूनच शिक्षकांची भूमिका कालातीत आहे.
शिक्षक दिन कसा साजरा केला जातो?
शाळा आणि महाविद्यालयांमध्ये विद्यार्थ्यांकडून सांस्कृतिक कार्यक्रम, भाषणं, नाटिका आयोजित केल्या जातात.
विद्यार्थी या दिवशी आपल्या आवडत्या शिक्षकांना आदर, शुभेच्छा आणि कृतज्ञतेची भेट देतात.
संकलन - श्री विठ्ठल सोपानराव कनामे सर ( मुख्याध्यापक जि प प्रा शाळा कोठाळा ).
Comments
Post a Comment