"बीड जिल्हा परिषद व पंचायत समिती सदस्यांचे आरक्षण जाहीर"

  "बीड जिल्हा परिषद व पंचायत समिती सदस्यांचे आरक्षण जाहीर"

बीड, दिनांक – बीड जिल्ह्यात जिल्हा परिषद आणि पंचायत समितीच्या सदस्यांसाठी आरक्षणाची यादी जाहीर झाली असून स्थानिक स्वराज्य संस्थांच्या आगामी निवडणुकांसाठी तयारी सुरू झाली आहे. जिल्ह्यात एकूण ६९ गट असून त्यामध्ये विविध प्रवर्गांसाठी आरक्षण जाहीर करण्यात आले आहे.

जिल्हाधिकारी कार्यालयात जिल्हा परिषदेचे आरक्षण तर तालुकास्तरावर तहसील कार्यालयांमध्ये पंचायत समिती सदस्यांचे आरक्षण जाहीर झाले. यावेळी अनेक इच्छुक उमेदवार आणि संबंधित लोकप्रतिनिधी उपस्थित होते. काहींना आरक्षणामुळे अनुकूलता मिळाली तर काहींना नव्या गणांसाठी तयारी करावी लागणार आहे.

📌 आरक्षणाची तपशीलवार माहिती

एकूण गट: ६९

सर्वसाधारण पुरुष: २० गट

सर्वसाधारण महिला: २१ गट

ओबीसी: १८ गट

अनुसूचित जाती (SC): ९ गट

अनुसूचित जमाती (ST): १ गट

🔹 अनुसूचित जातीसाठी राखीव गट

उमापुर, मोगरा, किट्टीआडगाव, पिंपळनेर, चौसाळा, मुर्शदपुर, होळ, भोगरवाडी आणि बर्दापुर हे गट अनुसूचित जातीसाठी राखीव आहेत. त्यापैकी उमापुर, मुर्शदपुर, भोगलवाडी, पिंपळनेर आणि किट्टीआडगाव हे गट SC महिलांसाठी राखीव ठरले आहेत.

🔹 अनुसूचित जमातीसाठी राखीव गट

जिरेवाडी हा गट अनुसूचित जमातीसाठी राखीव आहे.

🔹 ओबीसीसाठी राखीव गट

रेवकी, तलवाडा, पाडळसिंगी, जोगाईवाडी, पात्रुड, दिंद्रुड, नाळवंडी, रायमोह, डोंगरकिन्ही, बीड सांगवी, आष्टा, तेलगाव, पिंप्री, सिरसाळा, धर्मापुरी, पट्टीवडगाव, मादळमोही आणि मातोरीया हे गट ओबीसीसाठी राखीव आहेत. त्यापैकी रेवकी, बीड सांगवी, तलवाडा, मातोरी, डोंगरकिन्ही, नाळवंडी, पाडळसिंगी, पिंप्री आणि जोगाईवाडी हे गट ओबीसी महिलांसाठी राखीव झाले आहेत.

🔹 सर्वसाधारण महिलांसाठी राखीव गट

ताडसोन्ना, पाडळी, सौताडा, दौलावडगाव, धानोरा, आडस, आसरडोह, चनई, गढी, सादोळा, चिंचोली माळी, टोकवाडी, टाकरवण, धोंडराई, पाली, दाऊतपुर, घाटनांदूर, वीडा, राजुरी, बहिरवाडी आणि नागापूर हे गट सर्वसाधारण महिलांसाठी राखीव झाले आहेत.

  ओबीसी आरक्षणाबाबत सर्वोच्च न्यायालयाने घेतलेल्या निर्णयानुसार जिल्हा परिषद आणि पंचायत समिती सदस्यांसाठी आरक्षण निश्चित करण्यात आले. त्यामुळे निवडणुकीच्या पार्श्वभूमीवर विविध प्रवर्गांमध्ये समतोल प्रतिनिधित्व मिळेल, अशी अपेक्षा व्यक्त होत आहे.

आरक्षण जाहीर झाल्यानंतर आता इच्छुक उमेदवारांनी तयारी सुरू केली असून गावोगावी चर्चा सुरू आहे. निवडणुकीच्या तारखा जाहीर झाल्यानंतर उमेदवारी अर्ज स्वीकारण्याची प्रक्रिया सुरू होईल.